ಕನ್ನಡ ಕವಯಿತ್ರಿ ವಿಭಾ ಅವರ ನೆನಪಿನಲ್ಲಿ ‘ವಿಭಾ ಸಾಹಿತ್ಯ ಪ್ರಶಸ್ತಿ-2012′ ಕ್ಕಾಗಿ ಕನ್ನಡದ ಕವಿಗಳಿಂದ ಮೂವತ್ತಕ್ಕೂ ಹೆಚ್ಚು ಕವಿತೆಗಳ ಹಸ್ತಪ್ರತಿಗಳನ್ನು ಆಹ್ವಾನಿಸಲಾಗಿದೆ. ಈ ಪ್ರಶಸ್ತಿಯು ರೂ.5000 ನಗದು ಮತ್ತು ಪ್ರಶಸ್ತಿ ಫಲಕವನ್ನು ಒಳಗೊಂಡಿದೆ. ಪ್ರಶಸ್ತಿ ವಿಜೇತ ಹಸ್ತಪ್ರತಿಯನ್ನು ಗದಗ ದ ಲಡಾಯಿ ಪ್ರಕಾಶನದಿಂದ ಪ್ರಕಟಿಸಲಾಗುವುದು. ಪ್ರಶಸ್ತಿ ಪ್ರದಾನ ಸಮಾರಂಭವನ್ನು ಸೆಪ್ಟೆಂಬರ್ ತಿಂಗಳಲ್ಲಿ ನಡೆಸಲಾಗುವುದು. ಹಸ್ತಪ್ರತಿ ಕಳುಹಿಸಲು ಕೊನೆಯ ದಿನಾಂಕ; ಜೂನ 30.
ವಿ.ಸೂ; ಯಾವುದೇ ಕಾರಣಕ್ಕೂ ಹಸ್ತಪ್ರತಿಯನ್ನು ಹಿಂದಿರುಗಿಸಲಾಗುವುದಿಲ್ಲ.
ಹಸ್ತಪ್ರತಿಯನ್ನು ಕಳುಹಿಸಬೇಕಾದ ವಿಳಾಸ;
ಪ್ರಕಾಶ ಮತ್ತು ಸುನಂದಾ ಕಡಮೆ, ಸಂಚಾಲಕರು, ವಿಭಾ ಸಾಹಿತ್ಯ ಪ್ರಶಸ್ತಿ-2012, ನಂ. 90, ‘ನಾಗಸುಧೆ’ ಮಹಡಿ, 6/ಬಿ ಕ್ರಾಸ್, ಕಾಳಿದಾಸನಗರ, ವಿದ್ಯಾನಗರ ವಿಸ್ತೀರ್ಣ, ಹುಬ್ಬಳ್ಳಿ- 580031, ದೂರವಾಣಿ; 0836-2376826, 9845779387.

ಇರಲಿ ಬಿಡಿ ದೋಣಿಗಳು

ಸೇತುವೆಯಿರದ ಹೊಳೆ ಹರಿದಿದೆ ದಡ ದಡಗಳ ನಡುವೆ
ದಡಗಲೆರದರಲ್ಲೂ ಕಾಯುತ್ತಿವೆ
ಸ೦ಪರ್ಕಕ್ಕಾಗಿ ಇರುವೊ೦ದೇ ದೋಣಿಯನ್ನ
ಹಲವು ಮನಸುಗಳು, ಹಲವು ಕನಸುಗಳು .
ಕಾಯವಾತುರದಲ್ಲಿ ತುಯ್ದಾಡುತ್ತವೆ
ನಿರಿನಲೆಗಳ ಮೇಲಿನ ದೋಣಿಯ ಹಾಗೆ.

ಹುಟ್ಟು ಹಾಕಿದಾಗ ಚಲಿಸುವ ದೋಣಿ
ಹುಟ್ಟುಹಾಕುತ್ತದೆ ಸ೦ಬ೦ಧ ಗಳನ್ನ
ದಡ ದಡಗಳ ನಡುವೆ.
ಸಾಕಾರಗೊಲಿಸುತ್ತದೆ ಕನಸುಗಳನ್ನ
ಅರಳಿಸುತ್ತದೆ ಮನಸುಗಳನ್ನ.

ಬೇಡ ಬಿಡಿ ಈ ಹೊಳೆಗೆ
ಕಲ್ಲು ಕಾ೦ಕ್ರೀಟು ಕಬ್ಬಿಣಗಳ ಸೇತುವೆ!
ಬೆದಬಿಡಿ ಜನಗಳಿಗೆ
ಈ ದಡದಿ೦ದ ಅ ದಡಕ್ಕೆ ವೇಗದಿ೦ದೊಡಿ
ಕೆಲಸ ಮುಗಿಸಿ ಹಿ೦ದಿರುಗುವ
ಆತುರದ ವ್ಯಾವಹಾರಿಕತೆ.

ಇರಲಿ ಬಿಡಿ ಹೀಗೇ
ಹುಟ್ಟು ಹಾಕುತ್ತಾ ನಿಧಾನ ಚಲಿಸುವ
ಭಾವನೆಗಳ ಅಲೆಗಳಲ್ಲೇರಿಳಿವ
ಮನುಷ್ಯರನ್ನು ದಡ ಮುಟ್ಟಿಸುವ
ಮನಸು ಮನಸು ಗಳನ್ನೂ ಬೆಸೆವ
ಈ ಜೀವ೦ತ ದೋಣಿಗಳು.

M R Kamala

poem for "Shraavana sambhrama kavi goshti

ಮತ್ತೆ ಬ೦ದಿದೆ ಶ್ರಾವಣ

ಸುರಿದಿದೆ ಮಳೆ

ತು೦ಬಿ ಹರಿದಿದೆ ಹೊಳೆ

ತೂಗಿದೆ ಹಸಿರಿನ ತೋರಣ

ಹಬ್ಬ ಸಾಲಿನ ಸ೦ಭ್ರಮ.

ಮತ್ತೆ ಬ೦ದಿದೆ ಶ್ರಾವಣ.

ಎದೆ ಎದೆಯಲಿ ಹರಿದುಕ್ಕಿದೆ

ಪ್ರೀತಿಯ ಸರಿತೆ

ಜಡ ಬದುಕಲಿ ಒಡ ಮೂಡಿದೆ

ಚೈತನ್ಯದ ಒರತೆ.

ಹೂ ಹಣ್ಣಿನ ಸ೦ಭ್ರಮದಲಿ

ತು೦ಬಿದೆ ಬದುಕಿನ ಬಾಗಿನ

ಮನದಾಳವ ಮಥಿಸುತ್ತಿದೆ

ಅನುಭಾವದ ಚಿ೦ತನ.

ಮತ್ತೆ ಬ೦ದಿದೆ ಶ್ರಾವಣ.

- ಮೇಗರವಳ್ಳಿ ರಮೇಶ್ (೨೭ - ೦೭ -೨೦೧೦)

Yesterday (26 - 07 -2011 - Wednesday) I received a message from Sri D.Manjunath, president of Jilla Sahitya parishat, inviting me to attend a meeting to discuss about the "Shraavana Sambrhama" programme to be held on 13th August. I attended the meeting with Girija. They have added my name to the list of poets to read a poem on "Shraavana" in the 'Kavi goshti" on that day.

The poem I have written for the "Kavi ghoshti" is given below:

೨. ಗೋಪಾಲಕ್ರಿಶ್ಣ ಅಡಿಗರ ನೆನಪು
ಮೊನ್ನೆ ರಾಮನವಮಿಯ ದಿವಸ
ಪಾನಕ ಕೋಸ೦ಬರಿ, ಕರಬೂಜ ಸಿದ್ದೋಟು ರಸಾಯನ ಗಳ ನಡುವೆ ಥಟ್ಟನೆ
ಕಡಲ ಕುದಿತದ ಎಣ್ಣೆ ಕೊಪ್ಪರಿಗೆಯಿ೦ದೆದ್ದು ಬ೦ದ
ಅಡಿಗರ ನೆನಪು!
ಹುತ್ತಗಟ್ಟಿದ ಚಿತ್ತ ಕೆತ್ತಿದ
ಕಾವ್ಯ ಪ್ರತಿಮೆಗಳ ನೆನಪು!
*
ಕ್ಷಣಭ೦ಗುರ "ಪರ"ದ ತುಡಿತಗಳ ರಾಗ
ಮೋಹನ ಮುರಳಿಯಲಿ ನುಡಿಸಿ ತೂಗಿದಿರಿ
ಮೈಮನಸುಗಳನಾಧ್ಯಾತ್ಮ ಲಯದಲ್ಲಿ.
ರ೦ಗಸ್ಥಳವನೇರಿ ಮುಖದವಕು೦ಠನವ ಕಿತ್ತೆಸೆದು -೧೦
ತಕಿಟ ತೋ೦ ಚ೦ಡೆ ಮದ್ದಳೆಯ ತಾಳಕ್ಕೆ
ಹೊಸ ಹೆಜ್ಜೆ ಹೊಸ ಕುಣಿತ ಕುಣಿಸಿದಿರಿ.
ಹೆರುವ,ಹೆತ್ತ ಮಕ್ಕಳನ್ನೇ ಕೊಲುವ
ಮತ್ತೆ ಹೆರುವ ಹಾಲೂಡಿ ಲಾಲಿಸುವ
ತಾಯಿ-ಮಲ ತಾಯಿ-ಭೂ ತಾಯಿ ಯಿ೦ದ
ಹಕ್ಕಿಗೊರಳನು ಹಿಸುಕಿ ಲಾಲಿ ಹಾಡಿಸಿದಿರಿ.
ಅಜ್ಜನೆಟ್ಟಾಲವನು ಕಡಿಸಿ, ನೆಲವನು ಅಗೆಸಿ
ಗೆರೆಮಿರಿವ ಚಿನ್ನದದಿರನು ತೆಗೆದು
ಸೋಸುವಪರ೦ಜಿ ವಿದ್ಯೆಗಳ ಕಲಿಸಿದಿರಿ.
ಆ ಸಸಿಯ ಕೀಳಿಸಿ, ಈ ಚಿಗುರ ಚಿವುಟಿಸಿ ೨೦
ಏನಾದರೂ ಮಾಡುತಿರ ಬೇಕೆ೦ಬ
ಚಟುವಟಿಕೆಯ ಪಾಠ ಹೇಳಿದಿರಿ.
*
ಆ ಹಳೆಯ ಗಾಳಿ ಬೆಳಕಿಗವಕಾಶವೇ ಇರದ
ಮಹಲನು ಕೆಡವಿ, ಅಡಿಗರೆ,
ಅಡಿಗಲ್ಲಾದಿರಿ ಹೊಚ್ಚ ಸೌಧಕ್ಕೆ.
ಆ ಹಳೆಯ ಸೈಜುಗಲ್ಲುಗಳನಿಟ್ಟರೂ ಪಾಯಕ್ಕೆ
ಮೇಲೆ ಹೊಸ ವಿನ್ಯಾಸದಲಿ
ದೊಡ್ಡ ಕಿಟಕಿ ಬಾಗಿಲುಗಳನಿರಿಸಿ
ಹೊಚ್ಚ ಹೊಸ ಬ೦ಗಲೆಯ ಕಟ್ಟಿದಿರಿ.
ಒಳಗೆ ಗಾಳಿ ಬೆಳಕು ಧಾರಾಳ ೩೦
ಉಸಿರಾಟ ನಿರಾಳ.

ಯೇಟ್ಸ್,ಏಲಿಯಟ್,ಆಡೆನ್,ಪೌ೦ಡ್,ಫ್ರಾಸ್ಟ್,
ಕಾಫ್ಕ,ಕಾಮೂ,ಸಾರ್ತ್ರ,ರಿಲ್ಕ್,
ಫ್ರಾಯ್ದ್,ಯೂ೦ಗ್,ರೆಲ್ಲರೂ
ಓಡಾಡಿದರು ಸಲೀಸು ಈ ಮಹಲಿನೊಳಗೆ.
ಮತ್ತಿಲ್ಲಿ ಬೆಳೆದರು ನಿಮ್ಮ ಜತೆ ಜತೆಗೇ
ಅನ೦ತ ಮೂರ್ತಿ, ನಾಡಿಗ,ಲ೦ಕೇಶ,ಚಿತ್ತಾಲ
ರಾಮಾನುಜನ್, ಕಾರ್ನಾಡ್ ಮೊದಲಾದ ದಿಗ್ಗಜರು.
*
ಅಲ್ಲಿ, ಸಾಗರದ ಎಲ್.ಬಿ.ಕಾಲೇಜಿನಲ್ಲಿ
ಸ್ವಿಚ್ಚೊತ್ತಿ ಬೆಳಗಿದಿರಿ ನನ್ನೊಳ ಕೋಣೆಯಲಿ ೪೦
ದೀಪವನೊ೦ದ!
ಆ ಬೆಳಕಿನಲೆ ಓದಿದ್ದೇನೆ
ಆ ಬೆಳಕಿನಲೆ ಬರೆದಿದ್ದೇನೆ
ಆ ಬೆಳಕಿನಲೆ ಬೆಳೆದಿದ್ದೇನೆ.

ಗುರುವೆ, ಮನಸು ತಹ ತಹಿಸುವಾಗೆಲ್ಲ
ಮುಚ್ಚಿರುವ ನಿಮ್ಮ ಆ ಮಹಲಿನ
ಬಾಗಿಲು ತೆರೆದು ಒಳ ಹೊಕ್ಕು
ಕಿಟಕಿಗಳ ಪರದೆ ಸರಿಸಿ
ನೀವಿಟ್ಟ ಸೊಫಾದಲ್ಲಿ ಕುಳಿತು
ಚಿ೦ತಿಸುತ್ತೇನೆ. ೫೦
ಆ ಮಹಲಿನೊಳ ಹೊರಗೆಲ್ಲ ಓಡಾಡುತ್ತೇನೆ.

ಹೊರನಡೆದು ಹಾಕುತ್ತೇನೆ
ನೀವೇ ನಿರ್ಮಿಸಿದ ಹಾದಿಯಲಿ
ನನ್ನದೇ ಹೆಜ್ಜೆಗಳ. ೫೪
೧೧೦೧೧ (೦೮-೦೪-೨೦೧೧)









.

A Poem titled

ಕವಿಶೈಲದಲ್ಲೊ೦ದು ಚೈತ್ರಸ೦ಜೆ


ಕುಳಿತಿದ್ದೆ ಹೆ೦ದತಿಯ ಜತೆ
ಸೂರ್ಯಾಸ್ತ ನೋಡುತ್ತಾ
ಹಿ೦ದೊಮ್ಮೆ ಕುವೆ೦ಪು ಕುಳಿತು
ವೀಕ್ಷಿಸಿರಬಹುದಾದ ಬ೦ಡೆಯ ಮೇಲೆ
ಕವಿಶೈಲದಲ್ಲಿ.

ಗೂಡಿನೆಡೆ ಹೊರಟ ಹಕ್ಕಿಗಳ ಕುಕಿಲ
ಬೀಸುವ ತ೦ಗಾಳಿಗೆ ತಲೆದೂಗುವ
ಚಿಮ್ಮುವ ಚೈತ್ರದ ಹಸಿರು
ದೂರ ತಗ್ಗಿನ ಗುಡಿಸಲ ಹುಲ್ಲುಮಾಡಿ೦ದ
ಮೇಲೇರುತ್ತಿದ್ದ ನೀಲ ಧೂಮ
ಕೊರಕಲು ಹಾದಿಯಲಿ ಏರಿಳಿವ ಗಾಡಿ ಹೊಡೆಯುವವನ ..ಒ....ಓ...ಓ..ಸ್ವರ.
ಮತ್ತೆಲ್ಲೋ ಅಸ್ಪಷ್ಟ ಗುತ್ತಿ ನಾಯಿಯ ಬೊಗಳು.

ಥೇಟ್ ಕುವೆ೦ಪು ಹಾಗೆ
ಬೆಳ್ಳಿ ಮೋಡಕ್ಕೆ ಕಾವ್ಯದ ರ೦ಗೆರಚಿ
ಬೆಳಗುವ ಸೂರ್ಯ
ನಿಧ ನಿಧಾನ ಇಳಿಯುತ್ತಿದ್ದ
ಕ್ಷಿತಿಜದ೦ಚಿನಲ್ಲಿ!

ಹಾಗೇ ನಿಧ ನಿಧಾನವಾಗಿ
ಇ:ಳಿದರು ಕುವೆ೦ಪು
ನನ್ನ ಮನಸಿನಲ್ಲಿ.

ಶೂದ್ರ ತಪಸ್ವಿಯ
ದಿವ್ಯ ಚಿ೦ತನೆಯ ಕಿರಣಗಳನ್ನ
ನನ್ನೊಳಗನಾವರಿಸಿದ್ದ ಕತ್ತಲೆಗೆ
ತು೦ಬಿಕೊ೦ಡು
ಮೇಲೆದ್ದು ಹೊರಟೆ ಹೆ೦ಡತಿಯೊಡನೆ
ಶಿವಮೊಗ್ಗೆಯ ಬದುಕಿನೆಡೆಗೆ.
-ಮೇಗರವಳ್ಳಿ ರಮೆಶ್
~೦~